Arlaban/Elgeamendi/Arlaban

                                                             Urtarrila 17 Enero
                                                 igandea/domingo

Arlaban - Galbarrain – Usokoaitza – Elgeamendi - Arlaban

Ibilbidea hasiko dugun Arlaban gaina, Gipuzkoa eta Arabako herrialdeen arteko  komunikazio puntu garrantzitsu bat da.

Gain honetan dagoen Gure Ametsa jatetxearen atzean hesi bat igaro, eta pagadi batean barrena errepidearen paralelo doan  mendi-bide zabal batetik GR-121 marrei jarraituz abiatuko gara. 300 bat metro egin ondoren bidegurutzean hauek utziaz eskuinera doana hartuko dugu.

Hasieratik ordu laurden inguru ibilitakoan bihurgune batean bide zabala utziaz eskuinetara doan bidexka hartuaz  Galbarrain  (832m)  muino txikira igoko gara.  Gailurrean buzoia dago, eta bertatik Elgeako mendilerroa betetzen duten eolikoak ikusiko ditugu.

Gaseoduktoa erreferentzi moduan hartuaz, Usokoaitza (913m.) gainera iritsiko gera, bertatik, lautada arabarra, Uribarri-Ganboa eta Legutioko urtegiak ikus daitezke. Gailur honetan, buzoia eta erpin geodesikoaren alboan Araba eta Gipuzkoa arteko mugarria aurkitzen dira.

Aurrera eginez, Angutako bidegurutzera iritsiko gera. Bertan, eskuineko bidea hartu eta gero, aldapa gogor batetik Arkamuko haitzartera iritsiko gera.  Hemendik, Elgeamendiko gailurra ikusi dezakegu.

Aurrera bidean, eta bide gurutze bat atzean utzi ondoren aldapa koxkor bat igoaz Elgeamendi (943m.) gailurrera igoko gera.

Gailurretik, etorri garen tokitik atzera eginez bueltatu gaitezke, baina guk iparrerako norabidea hartuaz gainez gain  mugarri edo antzekoei jarraituko diegu ahalik eta bide zabala eta basoarekin aurkitu arte.

Behin basoan sartuta bide zabala izango dugu lagun Arlabanera iritsi arte.

Distantzia:  14 km  inguru.

Denbora:  4:30 / 5:00 ordu inguru.

Igoera /jaitsiera akumulatuak:  730 m. inguru.

Zailtasuna:  Ez du aparteko zailtasunik.  

Irteera:  Goizeko 7:15ean Autobuseko geltokian,puntualtasuna erregutzen da.
Fidanza:  12 € aurreratu beharko dira.
Izen Ematea: Urangan Burdindegian.
Epea: Urtarrilak 15.   
tracka.....
                                                           Argazkiak Antonio Abad
        https://www.dropbox.com/sh/rcswn3mijw20iix/AADKngb5ctuiQYG9ZG6WvGfMa?dl=0